ഇന്ത്യൻ ഭരണഘടനാ നിർമ്മാണ സഭയിലെ ഒരേയൊരു ദലിത് സ്ത്രീ പ്രാതിനിധ്യമായിരുന്നു കൊച്ചി മുളവുകാട് സ്വദേശി ദാക്ഷായണി വേലായുധൻ. ഡോ. ബി.ആർ. അംബേദ്കറുടെയും നെഹ്‌റുവിന്റെയും സമകാലികയായി പ്രവർത്തിച്ച ദാക്ഷായണി വേലായുധൻ ചരിത്രത്തിൽ വേണ്ടത്ര രേഖപ്പെടുത്തപ്പെടാതെ പോയ വ്യക്തികൂടിയാണ്. കോഴിക്കോട് ഗവ. ആർട്സ് & സയൻസ് കോളേജ് സംഘടിപ്പിച്ച ലിറ്ററേച്ചർ ഫെസ്റ്റിവലിൽ 'ചരിത്രത്തിൽ രേഖപ്പെടുത്താത്ത ദാക്ഷായണി വേലായുധൻ' എന്ന സെഷനിൽ ചരിത്രകാരൻ ചെറായി രാമദാസ്, ഗവ. ആർട്സ് & സയൻസ് കോളേജ് പ്രിൻസിപ്പൽ ഡോ. പ്രിയ പീലിക്കോട്, SARBTM കൊയിലാണ്ടി ഗവൺമെന്റ് കോളേജ് പ്രൊഫസർ ഡോ. ശ്രീജിത്ത് ഇ. എന്നിവർ ചർച്ചയിൽ പങ്കെടുത്ത് സംസാരിക്കുന്നു.